Zotero er eit referansehandteringsverktøy som hjelper deg å samle, halde oversikt over og bruke referansane dine. Zotero samhandlar med Word, OpenOffice og LibreOffice, og kan enkelt nyttast med LaTeX.
Zotero eller EndNote?
Lurar du på kva for eit referanseverktøy du skal bruke? Vi har laga ein oversikt som listar opp skilnadane mellom Zotero og EndNote, og som kan gjere det lettare for deg å velgje. Samanlikning av Zotero og EndNote.
Installere Zotero
Zotero finst både i nettversjon og skrivebordsversjon. Med skrivebordsversjonen følgjar det med programtillegg for nettleseren din som gjør det enkelt å importere referanser frå nettsidar.
Om du sit på ei Windows-PC frå UiO skal Zotero installerast frå Software Center. Elles kan du laste ned frå Zotero.
Ved å bruke tenesta godtek du vilkåra til Zotero (legg merke til pkt. 2).
Zotero Storage
UiO har Zotero Storage-avtale, så du får uavgrensa lagringsplass for å synkronisere PDF-filer og andre vedlegg om du legg inn UiO-e-postadressa di i Zotero-kontoen din. Om du ynskjer å fortsette å bruke Zotero også etter at du sluttar på UiO, anbefaler vi å leggje inn ei privat e-postadresse som hovedadresse (Primary) og UiO-adressa (brukarnamn@uio.no) som sekundær adresse, sidan til dømes tilbakestilling av passord kun fungerar med Primary-adressen.
Finne referansar
Med Zotero kan du importere alle referansar du kjem over i nettlesaren din. Ved å trykke på ein knapp ved siden av adressefeltet vert dei importert til biblioteket ditt i Zotero. Knappen lar deg òg importere fleire referansar på ein gong frå resultatlister i Oria og søkemotorar som Google Scholar og Web of Science.
Organisere referansar
Så fort referansane er i Zotero-biblioteket ditt kan du sortere dei i ulike samlingar. Du kan også leggje til notat til referansen eller leggje på emneord. I tillegg kan du lage grupper der du kan dele referansebibliotek med andre.
Bruke referansar
Du kan bruke referansane dine på fleire måtar. Det følgjer med programtillegg for Word, OpenOffice og LibreOffice som gjør det enkelt å bruke Zotero med desse programma. Om du nyttar LaTeX og BibLaTex anbefaler vi tillegget Better BibTeX for Zotero.
Kurs
Universitetsbiblioteket tilbyr kurs for tilsette og studentar ved UiO og OUS.
Zotero-guide
Vil du ha ein meir utfyllande guide til Zotero? Prøv denne frå Sebastian Karcher og Rintze M. Zelle.
Spørsmål?
Spør Zotero-teamet på biblioteket om du lurer på noko.